Die toer roete!

OK so aanvanklik was die hoofdoel om Lesotho te gaan deurkruis met motorfietse en dis steeds in die plan, maar die roete sluit nou heelwat meer in siende ons in elkgeval daarheen en terug moet kom. Ons gaan die middag van die 22ste Kaapstad toe ry van Stellenbosch af, ons motorfietse op die trein laai en self ook opklim vir die lang pad op Bloemfontein toe. Bikes aflaai, pak en die eerste ent aanry in die rigting van Lesotho en sommer die eerste aand op 'n vriendelike boer se plaas oornag. Vir die volgende drie/vier dae gaan ons Lesotho deurkruis soos die roete hieronder aandui. In by Lesotho, Wepener grenspos aan die westelike kant en dan in Suidelike rigting in S-vorm Noord verby die Katse Dam tot heel bo om sodoende met Moteng Pas op te klim na die "Roof of Africa" - van die wildste terrein om te ry in Suiderlike Afrika en dan met Sani Pas af te eindig en by Underberg oor die grens te gaan weer in suid Afrika in. As daar tyd te spaar is gaan ons vir 'n dag effens Noord mik om van die omliggende Natuur parke se grondpaaie en majestieuse berghange te gaan besigtig! Van daar toer ons via Kokstad af Transkei toe - Port St. Johns is die eerste stop. Daar sal ons nog besluit hoe en waar presies ons roete deur die Transkei gaan wees, maar die plan is om op twee of drie plekke langs die kus te oornag en moontlik vir langer op een plek te bly as ‘n rusdag nodig is. Hopelik hoef ons nie te veel ompaaie te ry nie en navigeer ons heel maklik in die boendoes. ‘n Hele paar riviere kan moontlik problematies wees, maar ek reken twee opblaasbote weerskante van ‘n motorfiets vasgebind kry hom oor die rivier te seil blah blah blah. As dit nie werk nie, wel.. dan is ons pretty much geskroef.
Vanuit die Transkei sal ons afwaarts na Oos Londen beweeg en vandaar die kuspad na P.E. ry. Vanaf P.E. binneland toe om via Patensie die Baviaanskloof binne te gaan. Na 'n dag of wat van epic grondgebied versit mik ons vir Uniondale om 'n vrytjie met die spookmeisie te vang en dan die Prince Alfred pas na Knysna te ry. Van daar sal ons 'n dag of wat in Stilbaai rus en die pad terug na die beskawing en die realiteite van werk en Westerse lewens aan durf.